doi:10.3889/MJMS.1857-5773.2009.0034

Кератоконус и неговата преваленција во Македонија
 

Цел. Ова е епидемиолошка студија која ја испитува преваленцата и демографската дистрибуција на кератоконус и укажува на ризик факторите во етиологијата на кератоконус во Република Македонија.

Материјал и методи. Во оваа ретроспективна лонгитудинална 8 годишна студија, беа вклучени 2254 пациенти кои носат контактни леќи, од кои кај 68 беше дијагностициран кератоконус. Беа вклучени сите новорегистрирани случаи на кератоконус во периодот од октомври 1996 до април 2004.

Резултати. Средната возраст на почеток на кератоконусот беше 26.81 ± 1.25 години. Според полот, 52.9% (36) беа жени, 47.1% (32) беа мажи. Од сите 68 пациенти со кератоконус, 42.6 % (29) имаат завршено средно училиште, а 35.2% (24) имаа високо образование. Педесет и осум случаи (84.8 %) беа билатерални, 15.2% (10) беа унилатерални .

Заклучок. Преваленцата на кератоконус во Македонија беше 6.8 пациенти на 100.000 жители. Возраста на почеток на кератоконусот во Македонија беше иста како во Британските и Француските студии, а половата распределба беше иста како во 48 годишна клиничка и епидемиолошка студија во САД. Билатералното заболување во време на поставување на дијагноза беше со повисок процент отколку во другите студии. Едукацијата и местото на живеење (урбано наспроти рурално) не се покажа како ризик фактор за почеток на кератоконусот во Македонија.