ИЗВАДОК                                                                   [Цел текст во PDF] [Англиски извадок] [OnlineFirst цел текст во PDF]

Медицинскиот факултет во Скопје, Република Македонија е основан во 1947 година со неговите едукативни и здравствени активности коишто би требало да доведат до подобрување на здравствената заштита во земјата. Во изминативе шеесет години Медицинскиот факултет ја промени својата структура, позиција и својата улога неколку пати за да ги задоволи потребите на општеството за континуирано зголемување на квалитетот и квантитетот на терцијалната здравствена заштита, едукација на студентите по медицина, како и истражувањата во полето на биомедицината. Денес, организациската структура на Медицинскиот факултет се состои од 12 институти и три наставни бази во претклиничкиот дел; 25 клиники, 3 институти и седум наставни бази кои учествуваат активно и во едукативните и во научните активности. Вкупно има 33 катедри кои ја изведуваат целокупната едукативна (додипломска и постдипломска настава, специјализација и суб-специјализација), научната дејност и овозможуваат здравствени услуги. Овие 33 катедри се активно вклучени во реализацијата на наставните програми, не само на Медицинскиот факултет, туку и на Стоматолошкиот факултет, Фармацевтскиот факултет, Факултетот за природни науки и Факултетот за физичка култура. Медицинскиот факултет е член на европското и светското семејство на овој вид институции.