Скорбутот, болест на хранлив недостаток на витамин Ц не е честа во последниот век поради подобрената исхрана и здравствена заштита. Но, во последната декада оваа болест во голем број беше регистрирана кај возрасната популација. Во период на доенче (новородено), скорбутот се јавува на возраст од 5 месеци и главно се должи на малнутриција. Главни симптоми се васкуларни пурпури, крварења и абнормалности на непцата, но можат да бидат присутни и мускулоскелетни манифестации. Кај децата се јавува силна болка во долните екстремитети поврзана со субпериостално крварење. Често е поставувањето погрешна дијагноза на рахитис и артритис. Ние прикажуваме случај на скорбут кај 8 месеци старо машко дете со остеоскелетна манифестација, која многу ретко се гледа кај денешните европски педијатри. Дијагнозата кај нашиот пациент е поставена со клиничка анализа (како што се хематурија, едем на долните екстремитети и отечена десна нога), со некои биохемиски параметри и радиолошки наоди. Терапискиот резултат и следењето на пациентот ја потврдија дијагнозата и етиологијата.